Vísindakirkjan...vísundakirkjan? Tom Cruise veit svarið...

Já við rákumst á þetta myndbrot þar sem Tom Cruise talar af hjartans einlægni um Vísindakirkjuna og lætur n geysa um nauðsyn þess að skapa "nýjan veruleika".  Tom Cruise er margt merkilegur karakter og eflaust rekur einhverja minni til ummæla hans í sófanum hjá Opruh og fimleika þá sem hann tók í sama sófa. Öll hegðun hans þar var á sama orkustigi og íþróttaálfurinn ef að hann myndi sprauta sig með frúktósa beint í æð. Það lýsti Cruise líka því yfir að hann ætlaði að borða fylgjuna þegar hans ektakvinna hefði skilað henni af sér eftir fæðinguna. Hann uppskar þann vafasama heiður í kjölfarið að vera sá einstaklingur sem bandarískar konur vildu síst sænga með sem er skiljanlegt enda furðulegur forleikur að bjóða upp á kampavín og súkkulaðihúðaða fylgjubita. Kannski er það hluti af hinum "nýja veruleika" að snarla á fylgjum. En endilega látið ekki sögur um fylgjuát fæla ykkur frá því að hlýða á helsta talsmann vísindakirkjunnar. 

Sokkabandið

Athugasemdir

[Beturvitringur (IP-tala skráð) 16.1.2008 kl. 16:33]

Ja hérna, hvílíkur fræðimaður!

Er hann ekki á einhverjum lyfjum? Ef svo er ætti hann að forðast að bera sig í viðtölum.

Hvað var hann að reyna að segja? Vísindakirkju Samviskusama Samverjann?

Forðast myndir sem hann leikur í. Finnst hann of sjálfumglaður og man í hverri töku eftir því hvað honum finnst hann fallegur og með fallegt bros.

Þætti mér hann þrátt fyrir allt góður leikari léti ég ekki fylgjur, fíkniefni eða fávitahátt hafa áhrif á mig, en nú er það fullkomnað. Myndin þarf að vera mjög góð til þess að ég láti mig hafa það að hann sé einn leikaranna.